Rajasthan Polo Club bilan memorandum
Hindiston bilan chavandozlar tayyorlash, seminarlar va xalqaro turnirlar boʻyicha hamkorlik.
Federatsiya va Rajasthan Polo Club Dehlida oʻzaro anglashuv memorandumini imzoladi. Bunga Oʻzbekistonning Hindistondagi elchixonasi va Global Trade & Technology Council (India) koʻmaklashdi.
Memorandum chavandozlarni tayyorlash dasturlari, qoʻshma seminar va amaliy mashgʻulotlar hamda tajriba almashinuvini nazarda tutadi. Hujjat xalqaro polo turnirlarini oʻtkazish uchun asos yaratadi hamda Markaziy Osiyoda poloni rivojlantirish va Oʻzbekiston bilan Hindiston oʻrtasidagi sport aloqalarini mustahkamlashga qaratilgan.